Lakaritarrok gure hastapenetik beharra ikusi dugu, elikadura eta kontsumo jasangarria sustatzeko. Horregatik gure ildoetariko bat elikadura-sistema osasungarriagoa eta jasangarriagoa lortzeko ekimenak bultzatzea da.


Horretarako, elikagai agroekologikoek eta garaian garaikoek eskaintzen dituzten onurak oinarri hartuta, herritarrentzat elikadura osasungarri, kontziente eta jasangarrirako aholkularitza-zerbitzua eskaintzen hasiko gara, JAKI proiektuaren bidez.

ZER ESKAINIKO DUGU?

• Asteko menu orekatuak, osasungarriak, prezioz duinak eta sasoiko produktuekin osatuak, pertsona bakoitzaren elikadura-beharrak aintzat hartuta

• Elikagaien erosketa eta sukaldean haien prestaketa zentzuz eta bakoitzaren neurrira egiteko tresnak eta ezagutzak

NOLA?

• Zuzeneko aholkularitza zein ikastaro praktikoen bidez

NORENTZAT?

• Norbanako, familia eta bestelako etxebizitza-unitateentzat

• Eskola-komunitateetako guraso, irakasle, sukaldari, hezitzaile eta abarrentzat

• Etxetik kanpo, baina etxetik eramandako platerekin bazkaltzen dutenentzat (langileak, ikasleak, etab.)

• Ostalaritza arloan menu osasungarri eta orekatuak eskaini nahi dituztenentzat

• Elikadura osasungarri, kontziente eta jasangarrian interesa duen edonorentzat

Laster informazio gehiago